آج پاکستان اسٹاک مارکیٹ میں شدید مندی کا سامنا رہا اور 100 انڈیکس 1204 پوائنٹس نیچے آ کر 1,17,226 پر بند ہوا۔ اگرچہ کاروبار کا آغاز مثبت ہوا، تاہم خطے میں کشیدگی اور آئی ایم ایف کی جانب سے جی ڈی پی میں ممکنہ کمی کی پیشگوئیوں نے سرمایہ کاروں کو اعتماد سے روکے رکھا۔
بین الاقوامی منڈیوں میں امریکی فیصلوں کے باعث بہتری دیکھی گئی، لیکن مقامی عوامل نے پاکستان اسٹاک ایکسچینج پر منفی اثر ڈالا۔ کاروباری دن کے اختتام تک 60 کروڑ شیئرز کا لین دین ہوا، جن کی مجموعی مالیت 27.76 ارب روپے رہی، جبکہ مارکیٹ کیپٹلائزیشن 103 ارب روپے گھٹ کر 14,340 ارب روپے تک آ گئی۔
