پاکستان کی فضائی حدود کی خلاف ورزی پر پاک فضائیہ کی بروقت اور مؤثر کارروائی نے دشمن کے عزائم خاک میں ملا دیے۔ 6 اور 7 مئی 2025 کی درمیانی شب پاکستان اور بھارت کے درمیان فضائی معرکہ ہوا، جو پاک بھارت تاریخ کا ایک نادر اور طویل ترین فضائی مقابلہ بن گیا۔
ڈی جی آئی ایس پی آر نے 9 مئی کو ایک اہم پریس کانفرنس میں بتایا کہ پاک فضائیہ کے جانبازوں نے پانچ بھارتی طیارے مار گرائے جن میں تین جدید رافیل، ایک مگ 29 اور ایک SU-30 شامل ہیں۔ ترجمان نے بین الاقوامی میڈیا کے سامنے تباہ شدہ طیاروں کے ناقابلِ تردید شواہد بھی پیش کیے، جن میں طیاروں کے ملبے کی ویڈیوز، سیریل نمبرز اور مقامات کی تفصیلات شامل تھیں۔
ترجمان کے مطابق بھارت کی جانب سے اس واقعے کو چھپانے کی کوشش کی گئی، لیکن متعدد غیر جانبدار رپورٹس نے ان دعوؤں کو جھٹلا دیا۔ دشمن کا جھوٹ ایک بار پھر دنیا کے سامنے بے نقاب ہو گیا۔
ڈی جی آئی ایس پی آر نے کہا کہ پاک فضائیہ نے یہ دفاعی کارروائیاں مکمل ذمہ داری اور ملک کی خودمختاری کے تحفظ کے لیے انجام دیں۔
