بھارتی کرکٹ بورڈ (بی سی سی آئی) نے ایشیا کپ 2025 اور ویمنز ایمرجنگ ٹیمز ایشیا کپ سے بھارت کے دستبردار ہونے کی خبروں کو مسترد کر دیا ہے.
بی سی سی آئی کے سیکریٹری دیو جیت سائیکیا نے وضاحت کی کہ بورڈ نے ایشیا کرکٹ کونسل (اے سی سی) کے ان ایونٹس سے متعلق کوئی فیصلہ نہیں کیا اور نہ ہی اس حوالے سے کوئی بات چیت ہوئی ہے، لہٰذا ایسی خبریں محض قیاس آرائی پر مبنی ہیں.
انہوں نے مزید کہا کہ بی سی سی آئی کی موجودہ توجہ انڈین پریمیئر لیگ (آئی پی ایل) اور انگلینڈ کے خلاف سیریز پر مرکوز ہے.
یہ وضاحت اس وقت سامنے آئی جب بھارتی میڈیا میں دعویٰ کیا گیا تھا کہ بھارت نے پاکستان کے ساتھ بڑھتی ہوئی کشیدگی کے پیش نظر اے سی سی کے تمام ایونٹس سے دستبرداری کا فیصلہ کیا ہے.
ایشیا کپ 2025 ستمبر میں بھارت میں شیڈول ہے، جہاں بھارت اور پاکستان سمیت دیگر ٹیمیں شرکت کریں گی
