حکومت کا عمران خان کو گرفتار نہ کرنے کا فیصلہ

وفاقی اور صوبائی حکومت نے سابق وزیر اعظم اور چیئرمین تحریک انصاف عمران خان کو گرفتار نہ کرنے کا فیصلہ کرلیا ہے۔

رپورٹ کے مطابق لاہور میں پاکستان سپر لیگ  کے میچ میں سکیورٹی خدشات کے پش نظر وفاقی اور صوبائی حکومت کی جانب سے عمران خان گرفتار نہ کرنے کا فیصلہ کیا گیا ہے۔

حکومت کی جانب سے فیصلہ کیا گیا ہے کہ زمان پارک سے عمران خان کی گرفتاری نہیں ہوگی۔ عمران خان کی گرفتاری سے کارکنان مشتعل ہو سکتے ہیں اور کارکنان لا اینڈ آرڈر کے حالات مشکل بنا کر سڑکیں بند کر سکتے ہیں۔


حکومت کا کہناہے  کہ عمران خان کے گھر کا محاصرہ کیا جائے گا اور عمران خان کے گھر کا محاصرہ پی ایس ایل میچ تک جاری رہے گا۔

دوسری جانب پولیس اور رینجرز کی ٹیمیں زمان پارک اور کینال روڑ سے واپس روانہ ہوگئی ہے اور پی ٹی آئی کارکنان کی ایک ویڈیو بھی وائرل ہوئی ہے جس میں کارکنان سجدہ شکر کررہے ہیں۔