راولپنڈی: سربراہ پاکستان عوامی مسلم لیگ اور سابق وزیر داخلہ شیخ رشید احمد نے کہا ہے کہ وزیراعظم توہین عدالت کے شکنجے میں آسکتے ہیں، 90 دن میں نگران حکومت خود بخود ختم ہو جائے گی۔
سماجی رابطے کی ویب سائٹ ٹوئٹر پر اپنے پیغام میں شیخ رشید احمد نے لکھا کہ حکومت نے مختلف اداروں سے سروے کرائے ہیں جس میں عمران خان کی سیاسی مقبولیت الیکشن کے التوا کے باعث بڑھ گئی ہے جو 30 اپریل کو الیکشن نہیں کروا رہے وہ 8 اکتوبر کو بھی الیکشن نہیں کروائیں گے۔
انہوں نے کہا کہ کل تک نون لیگ کے وزرا کہتے تھے صوبائی اسمبلیاں توڑیں الیکشن کروا دیں گے اب کہتے ہیں اکتوبر کی بھی ضمانت نہیں کیونکہ شکست ان کا مقدر ہے، 13 پارٹیوں کا سیاسی جنازہ دھوم سے نکلے گا، مہنگائی نے تمام ریکارڈ توڑ ڈالے ہیں، تقریبا 50 فیصد پر پہنچ گئی ہے۔
سابق وزیر کا کہنا تھا کہ دنیا کو پاکستان کی فکر ہے، ہم 10 کلو آٹے کے فوٹو کی کمپنی کی مشہوری کے لیے لگے ہوئے ہیں۔
