دنیا کے سب سے مہنگے جوتوں کا جوڑا 63 کروڑ روپے میں نیلام کر دیا گیا۔
باسکٹ بال کے معروف کھلاڑی مائیکل جارڈن کے جوتوں کا جوڑا 2.2 ملین امریکی ڈالر (پاکستان 63 کروڑ روپے سے زائد) میں نیلام ہوا اور یہ اب تک نیلام ہونے والے جوتوں میں سب سے مہنگا جوتوں کا جوڑا ہے۔
مائیکل جارڈن نے یہ جوتے 1998 میں این بی اے فائنل میں استعمال کیے تھے۔ فروخت ہونے والے جوتوں پر مائیکل جارڈن کے دستخط بھی موجود ہیں۔
جوتے فروخت کرنے والی کمپنی کا کہنا ہے کہ توقع تھی نیلامی میں ان کی قیمت 4 ملین ڈالر تک جا سکتی ہے تاہم عالمی ریکارڈ قائم کرنے کے باوجود یہ توقع کی قیمت سے کافی کم پر فروخت ہوئے۔ مائیکل کے فروخت ہونے والے جوتوں کا نام ایئر جارڈن تھرٹینز ہے۔
اس سے قبل بھی مائیکل جارڈن کے ایک جرسی نیلام ہوئی تھی جو انہوں نے 1998 کے این بی اے فائنل میں پہنی تھی۔ وہ جرسی 10.1 ملین ڈالر میں فروخت ہوئی تھی۔
