پاکستان کرکٹ ٹیم کے آل فارمیٹ کپتان بابر اعظم اور وکٹ کیپر بلے باز محمد رضوان کی کلاس میں شرکت کی مزید تصاویر اور ویڈیوز سوشل میڈیا پر وائرل ہوگئیں۔
دونوں کرکٹرزاس وقت امریکہ میں ہارورڈ بزنس اسکول کےایگزیکٹو ایجوکیشن کے پروگرام سمیت مختلف تقریبات میں حصہ لے رہے ہیں۔
بابر اور رضوان نے یونیورسٹی کے بزنس آف انٹرٹینمنٹ، میڈیا اینڈ اسپورٹس (بی ای ایم ایس) پروگرام میں داخلہ لیا ہے۔
کلاس میں شرکت کی ویڈیوز سوشل میڈیا پر گردش کیے جانے کے بعد مداحوں کی جانب سے دلچسپ تبصروں کے ساتھ ساتھ میمز بھی بنائی جارہی ہیں۔
ایک ویڈیو کلپ میں دونوں کو کلاس میں یو ایف سی کے فرانسس نگانو کو سنتے ہوئے دیکھا جا سکتا ہے۔
واضح رہے کہ بابر اعظم اور محمد رضوان ہارورڈ یونیورسٹی کے ایجوکیشن پروگرام میں شرکت کرنے والے پہلے پروفیشنل کرکٹرز ہیں، بابر اور رضوان 31 مئی سے 3 جون تک ہارورڈ یونیورسٹی ایجوکیشن پروگرام میں شرکت کریں گے۔
