پونے: ورلڈ کپ 2023 کے 30 ویں میچ میں 242 رنز کے تعاقب میں افغانستان کی سری لنکا کیخلاف بیٹنگ جاری ہے۔
سری لنکا نے 10 کھلاڑیوں کے نقصان پر 241 رنز بنائے تھے۔ پاتھم نسانکا 46 رنز بنا کر نمایاں رہے۔ کپتان کوشل مینڈس 39 اور سدیرا سمارا وکرما 36 رنز بناسکے۔
افغان فاسٹ بولر فضل الحق فاروقی نے نمایاں کارکردگی کا مظاہرہ کرتے ہوئے 10 اوورز میں 34 رنز کے عوض 4 وکٹیں حاصل کیں۔
کپتان کوشل مینڈس اور سدیرا سمارا وکرما کے درمیان تیسری وکٹ کی شراکت میں 50 رنز بنائے گئے لیکن یہاں کپتان 39 رنز بنا کر مجیب الرحمان کی گیند پر کیچ آؤٹ ہوگئے۔
سدیرا سمارا وکرما اور چارتھ اسالنکا چوتھی وکٹ کی شراکت میں محض 5 رنز کا ہی اضافہ کر سکے، مجیب الرحمان نے سدیرا سمارا وکرما کی وکٹ حاصل کی۔
چارتھ اسالنکا اور دھننجایا ڈی سلوا کے درمیان چھٹی وکٹ کی شراکت میں 28 رنز جوڑے گئے، دھننجایا ڈی سلوا 14 رنز بنا کر راشد خان کی گیند پر بولڈ ہوگئے۔ چارتھ اسالنکا 22 رنز بنا کر فضل الحق فاروقی کی گیند پر کیچ تھما بیٹھے۔ دشمنتھا چمیرا رن آؤٹ ہوئے۔
اینجلو میتھویز اور مہیش تھیکشنا کے درمیان آٹھویں وکٹ کی شراکت میں 45 رنز بنائے گئے، مہیش تھیکشنا 29 رنز بنا کر فضل الحق فاروقی کی گیند پر بولڈ ہوئے۔
ٹاس
سری لنکن ٹیم میں بلے باز دموتھ کرونا رتنے اور بولر دشمنتھا چمیرا کو شامل کیا گیا ہے جبکہ افغان ٹیم نے اسپنر نور احمد کی جگہ فاسٹ بولر فضل الحق فاروقی کو شامل کیا ہے۔
افغان کپتان کے مطابق پہلے فیلڈنگ کا فیصلہ اس لیے کیا کیونکہ شام میں اوس پڑنے کا امکان ہے۔ سری لنکن کپتان کا کہنا تھا کہ وہ کسی بھی صورت میں پہلے بیٹنگ ہی کرنا چاہتے تھے کیونکہ پچ بلے بازی کے لیے اچھی لگ رہی ہے۔
سری لنکا الیون
دموتھ کرونارتنے، پاتھم نسانکا، کپتان کوشل مینڈس، سدیرا سمارا وکرما، چارتھ اسالنکا، دھننجایا ڈی سلوا، اینجلو میتھیوز، مہیش تھیکشنا، کسن راجیتھا، دشمنتھا چمیرا اور دلشان مدھوشانکا۔
افغانستان الیون
رحمان اللہ گربز، ابراہیم زدران، کپتان ہشمت اللہ شاہدی، رحمت شاہ، عظمت اللہ عمر زئی، وکٹ کیپر اکرام علی خیل، محمد نبی، راشد خان، مجیب الرحمان، نوین الحق، فضل الحق فاروقی۔
