شوبز انڈسٹری کی معروف اداکارہ ہانیہ عامر کا کہنا ہے کہ اپنی غلطیوں سے سبق سیکھ لیا ہے اب سمجھدار ہوگئی ہوں۔
ڈرامہ سیریل ’مجھے پیار ہوا تھا‘ میں اداکاری کے جوہر دکھانے والی اداکارہ ہانیہ عامر نے پوڈ کاسٹ میں نجی زندگی، سوشل میڈیا پر ٹرولنگ ودیگر معاملات پر گفتگو کی۔
ہانیہ عامر نے کہا کہ ماضی میں تنازعات کی وجہ سے ذہنی صحت پر بُرا اثر پڑا لیکن انہی تنازعات نے مجھے آج بہتر انسان بنایا ہے۔
انہوں نے کہا کہ ماضی کی غلطیوں سے سبق سیکھ لیا ہے یہ بھی سیکھ لیا ہے کہ کیا شیئر کرنا ہے اور کس چیز کو پرائیویٹ رکھتا ہے اب میں وہی کرتی ہوں جو میرے لیے ٹھیک لگتا ہے، رومانوی رشتوں کو تحفظ کی ضرورت ہوتی ہے کیونکہ وہ نازک ہوتے ہیں۔
اداکارہ نے کہا کہ ماضی کے اچھے لمحات کو انجوائے کیا جس پر کوئی افسوس نہیں لیکن اس تعلق میں رہتے ہوئے مشکل لمحات کا بھی سامنا کیا میں انہیں تبدیل نہیں کرسکتی اس وقت مجھ میں جتنی عقل و سمجھ تھی اس حساب سے فیصلے کیے اب میں زیادہ سمجھدار ہوگئی ہوں۔
سوشل میڈیا ٹرولنگ پر ہانیہ عامر نے کہا کہ سوشل میڈیا صارفین کے منفی کمنٹس پر توجہ نہیں دیتیں اور نہ ہی ایسے تبصرے ان پر منفی اثر ڈالتے ہیں، میں صرف دوستوں اور فیملی کے تبصرے پڑھتی ہوں۔
