خیبر پختونخوا کے ضلع پاراچنار میں گھر سے لاش ملنے پربینک ملازم کو گرفتار کر لیا گیا۔
پولیس کے مطابق گھر سے لاش ملنے کا واقعہ پاراچنارکے علاقے اسپین خیل بانڈ ہ میں پیش آیا جس کے بعد بینک ملازم کو گرفتار کر لیا گیا۔
پولیس کا کہنا ہے کہ محمد ابراہیم 57 لاکھ روپے بینک میں جمع کرانے گیا تھا، بینک ملازم زکٰوۃ فارم بنانے کے بہانے ابراہیم کو اپنےگھر لے آیا۔
پولیس کے مطابق ملزم نے رقم اپنے اکاؤنٹ میں جمع کرانے کے بعد ابراہیم کوگولی مارکر قتل کر دیا، واقعے کی مزید تفتیش بھی جاری ہے۔
