مصروفیت کے اس دور میں ہر کوئی کسی نہ کسی کام میں مصروف رہتا ہے اس لیے وقت پر کھانا نہ کھانا معمول بن گیاہے جو صحت کیلئے نقصان دہ ہے۔
اس کے علاوہ آج کل رات میں تاخیر سے کھانا کھانے کا رواج بھی بڑھتا جارہا ہے جو بہت سی بیماریوں کا سبب ہے۔
رات میں جلدی کھانا کھانے کے بے شمار فوائد مندرجہ ذیل ہیں۔
نظام ہاضمہ
رات میں جلدی کھانا کھانے سے نظام ہاضمہ درست رہتا ہے اور گیس سمیت پیٹ کی دیگر تکلیف میں آرام رہتا ہے۔
غذائی اجزاء کا آسانی سے ہضم ہونا
سونے اور رات کے کھانے میں اگر وقفہ زیادہ ہو تو یہ آپ کے جسم کو زیادہ فائدہ دیتا ہے کیونکہ یہ غذائی اجزاء کو ہضم کرنے کی صلاحیت میں اضافہ کرتا ہے جس سے جسم کو زیادہ طاقت ملتی ہے۔
آنتوں کی صحت میں بہتری
رات میں جلدی کھانا کھانے سے آنتیں صحت مند رہتی ہیں جس سے کھانے کے ہاضمے میں کوئی خلل پیدا نہیں ہوا۔
آنتوں کی حرکت کو بہتر بنائے
رات میں جلدی کھانا کھانے کا ایک فائدہ یہ بھی ہے کہ یہ آنتوں کی حرکت کو منظم کرنے میں مدد کرتا ہے جو کہ مجموعی طور پر ہاضمے کی صحت کے لیے ضروری ہے۔
تیزابیت کے خطرے کو کم کرے
رات دیر گئے کھانا کھانے کے عادی افراد کو اکثر تیزابیت کی شکایت رہتی ہے جس سے ان کے سینے میں جلن بھی رہتی ہے، اس کے لیے چاہیے کے رات کا کھانا جلدی کھایا جائے تاکہ تیزابیت جیسے مسائل سے بچا جاسکے۔
