ایف آئی اے امیگریشن نے چار افراد کے قتل میں ملوث 5 ملزمان کی بیرون ملک فرار کی کوشش ناکام بناتے ہوئے انہیں سیالکوٹ ائیرپورٹ پرگرفتار کر لیا۔
رپورٹ کےمطابق ایف آئی اے نے چار افراد کے قتل میں ملوث ملزمان کی بیرون ملک فرار کی کوشش ناکام بناتے ہوئے قتل کے مقدمے میں مطلوب 5 ملزمان کو سیالکوٹ ائیر پورٹ سے گرفتار کر لیا۔ گرفتار ملزمان دو خواتین سمیت چار افراد کے قتل میں ملوث ہیں، گرفتار ملزمان میں مجتبی،مرتضی،محمد ہارون، محمد ظہیر اور چوہدری فیصل شامل،ملزمان نے قتل کرکے برطانوی پاسپورٹ پر بیرون ملک فرار ہونے کی کوشش کر رہے تھے۔ ملزمان فلائٹ نمبر EK619 کے ذریعے برطانیہ فرار ہو رہے تھے،گرفتار ملزمان جہلم کے تھانہ منگلا پولیس کو مطلوب تھے،ملزمان کے خلاف گزشتہ روز تھانہ منگلا کینٹ میں مقدمہ درج ہوا تھا،گرفتار تمام ملزمان کا نام اسٹاپ لسٹ میں شامل تھا،ایف آئی اے امیگریشن سیالکوٹ نے ملزمان کو منگلا کینٹ پولیس کے حوالے کر دیا گیا ہے۔
