کراچی:سندھ میں بلدیاتی انتخابات کے دوسرے مرحلے کے تحت کراچی میں ہونے والے انتخابات میں اب تک کا بڑ اپ سیٹ سامنے آیا ہے۔
پاکستان تحریک انصاف کراچی کے صدر رکن صوبائی اسمبلی خرم شیر زمان یوسی کا الیکشن ہار گئے۔
خرم شیر زمان کو صدر ٹاؤن یوسی 11 سے پاکستان پیپلز پارٹی (پی پی پی) کے سید نجمی عالم کے ہاتھوں شکست کا سامنا کرنا پڑا ہے، نجمی عالم نے اس نشست پر دو ہزار 696 ووٹ حاصل کیے۔
خرم شیر زمان اس علاقے سے دس سال سے ایم پی اے ہیں اور انہیں پی ٹی آئی کی جانب سے میئر کا امیدوار بھی قرار دیا جا رہا تھا۔
رکن صوبائی اسمبلی ہونے کے باوجود وہ یوسی چیئرمین کی نشست پر لڑ رہے تھے۔اب 24نشستوں میں سے پیپلز پارٹی کو 17 نشستیں حاصل ہو چکی ہیں جبکہ پی ٹی آئی نے 6 اور جے یو آئی نے ایک نشست حاصل کی ہے۔
