بالی ووڈ اداکارہ اور باربی ڈول کے نام سے مشہور کترینہ کیف 40 سال کی ہوگئیں۔
بھارتی میڈیا کے مطابق بالی ووڈ میں بہت ہی کم وقت میں بہت ہی خاص جگہ بنانے والی کترینہ کیف نے 16 جولائی کو اپنی 40 ویں سالگرہ منائی۔
رپورٹس کے مطابق اداکارہ نے اپنے شوہر وکی کوشل کے ہمراہ اس مرتبہ مالدیپ میں سالگرہ منائی۔
وکی کوشل نے اس حوالے سے تصاویر بھی سوشل میڈیا پر شیئر کی ہیں جس کو ان کے مداح خوب پسند کر رہے ہیں۔
واضح رہے کہ اپنی سالگرہ سے ایک دن پہلے کترینہ کیف اور ان کے شوہر وکی کوشل ممبئی سے بیرونِ ملک روانہ ہوئے تھے۔
