اسلام آباد پولیس نے خبردار کیا ہے کہ یومِ آزادی پر باجا بیچنے، بجانے، ون ویلنگ اور ہُلڑ بازی پر قانون حرکت میں آئے گا۔
اسلام آباد پولیس نے اپنے بیان میں کہا ہے کہ سائیلنسر کے بغیر موٹر سائیکل چلانے والوں کو بھی دھر لیا جائے گا۔
راولپنڈی میں بھی سات روز کے لیے دفعہ ایک سو چوالیس نافذ کردی گئی ہے، جلسے، جلوس، ریلیوں اور اجتماعات پر مکمل پابندی ہے۔
آئی جی پنجاب نے کہا ہے کہ قومی پرچم کے علاوہ کوئی بھی جھنڈا لہرانے اور ہلڑ بازی پر پولیس ایکشن میں آئے گی۔
