ابھرتی ہوئی اداکارہ مومنہ اقبال نے اپنے مستقبل کے جیون ساتھی کے بارے میں بات کرتے ہوئے کہا ہے کہ اس دنیا میں اچھے لڑکے ملنا مشکل ہے، آج کل کے لڑکے اور لڑکیوں کی ترجیحات کچھ ہوگئی ہیں۔
مومنہ اقبال پاکستان کی ابھرتی ہوئی اداکارہ ہیں جنہوں نے کئی ٹی وی ڈراموں میں مرکزی کردار ادا کیا ہے، ان کے معروف ڈراموں میں ’احسان فراموش‘، ’سمجھوتا‘، ’میرے ہم نشین‘ اور دیگر شامل ہیں۔
اداکارہ نے اپنے کریئر کے حوالے سے بتایا کہ انہوں نے بی-کام کرنے کے بعد اداکاری کے شعبے میں قدم رکھا تھا۔
مومنہ نے بتایا کہ شوبز انڈسٹری میں قدم رکھنے کے فوراً بعد خوش قسمتی سے انہیں مرکزی کردار ملنے آفر ہوئی۔
ان کا کہنا تھا کہ چونکہ مجھے فوری مرکزی کردار آفر ہونے شروع ہوگئے جس کی وجہ سینئر اداکاروں کی طرف سے مشکل کا سامنا کرنا پڑا کہ مجھے یہ کردار اتنی جلدی کیسے مل گئے۔
مومنہ اقبال کا کہنا تھا کہ ’مجھے اپنے گوری رنگت کی وجہ سے بھی مشکل کا سامنا کرنا پڑا‘، تاہم اداکارہ کو کس طرح کے چیلنجز کا سامناکرنا پڑا انہوں نے اس کی تفصیلات ظاہر نہیں کیں۔
جیون ساتھی سے متعلق بات کرتے ہوئے اداکارہ کا کہنا تھا کہ اچھے لڑکے اس دنیا میں ملنا مشکل ہے۔
ان کا کہنا تھا کہ آج کل کے لڑکے اور لڑکیوں کی ترجیحات کچھ اور ہیں، فیملی اور گھر ان کی ترجیحات نہیں ہیں۔
انہوں نے اپنے مستقبل کے جیون ساتھی سے متعلق بات کرتے ہوئے بتایا کہ ’جیون ساتھی کے لیے خوبصورت ہونا کافی نہیں ہے، اگر انسان اندر سے خوبصورت ہو تو وہ باہر سے بھی حسین دکھنے لگتا ہے، جو اللہ سے ڈرتا ہوگا وہ پوری زندگی آپ کے ساتھ رہ سکتا ہے، جس کو اللہ کا ڈر نہیں ہے اس کو کسی کا ڈر نہیں ہوتا، وہ دوسری کی زندگی تباہ کردیتا ہے۔
