گزشتہ برسوں کے دوران ہم نے پاکستانی اور بھارتی کرکٹرز اُور شائقین کرکٹ کی جانب سے متعدد بار یہ جملہ سنا ہے کہ یہ (کرکٹ تو) 'صرف ایک کھیل' ہے۔ کھلاڑیوں کی جانب سے کچھ دباؤ دور کرنے کے لئے مقابلے کی اہمیت کو کم کرنے کی کوششیں اگرچہ قابل احترام ہیں ، لیکن شائقین اور یہاں تک کہ خود کھلاڑیوں کے لئے بھی یہ بات محض دلاسہ ہے اُور حقیقت یہ ہے کہ اگر بات بھارت بمقابلہ پاکستان کی ہو تو یہ بات صرف کھیل کی حد تک محدود نہیں رہتی۔
بھارت اُور پاکستان کے درمیان کرکٹ "صرف کھیل" نہیں ہے. یہ بھارت بمقابلہ پاکستان ہے۔ یہ دائمی حریفوں کا مقابلہ ہے۔ ٹائٹنز کا ٹکراؤ۔ ایک جو خوف کے جھونکے کے ساتھ جوش و خروش کا جانا پہچانا احساس پیدا کرتا ہے۔
ایشیا کپ کے گروپ مرحلے کے لیے پاکستان اور بھارت کے درمیان ون ڈے انٹرنیشنل میچ آج پالی کیلے انٹرنیشنل کرکٹ اسٹیڈیم میں کھیلا جائے گا۔
دنیا کی نمبر ایک ٹیم حالیہ دنوں میں بھارت کے خلاف کھیلے گئے ون ڈے میچوں کے برعکس زیادہ مستحکم لائن اپ کے ساتھ مقابلہ کرے گی۔
پاکستان کو گزشتہ پانچ میچوں میں سے چار میں شکست کا سامنا کرنا پڑا ہے جبکہ تازہ ترین میچ 2019 کے ورلڈ کپ میچ میں آیا جہاں ہندوستانی ٹیم نے ڈک ورتھ لوئس اسٹرن (ڈی ایل ایس) طریقہ کار کے تحت 89 رنز سے فتح حاصل کی۔
یہ میچ ایشین چیمپیئن شپ میں ہندوستان کا افتتاحی میچ ہوگا ، کیونکہ دونوں ہمسایہ ممالک "ہائی وولٹیج" مقابلہ کرنے کا وعدہ کرتے ہیں۔
دونوں ٹیمیں 2012 کے بعد سے صرف بین الاقوامی ٹورنامنٹس میں ایک دوسرے کے مدمقابل آئی ہیں اور حال ہی میں گزشتہ دو سالوں کے دوران ٹی ٹوئنٹی بین الاقوامی مقابلوں میں چار مرتبہ آمنے سامنے آئی ہیں جن میں دونوں ٹیموں نے دو مرتبہ کامیابی حاصل کی ہے۔
گزشتہ چار سالوں میں دونوں ٹیموں میں نمایاں تبدیلیاں دیکھنے میں آئی ہیں ، تاہم ، بھارتی ٹیم میں وراٹ کوہلی ، روہت شرما اور رویندر جڈیجہ جیسے تجربہ کار کھلاڑی شامل ہیں جنہوں نے مجموعی طور پر پوری پاکستانی ٹیم سے زیادہ ایک روزہ میچ کھیلے ہیں۔
