اسلام آباد :گلوکار راحت فتح علی خان کو امریکا کا ویزا مل گیا، وہ امریکا کے 5 روزہ دورے پر روانہ ہو گئے۔
استاد راحت فتح علی خان 19نومبر 2023ء کو ایسوسی ایشن آف پاکستانی فزیشنز آف نارتھ امریکا کے زیرِ اہتمام میوزیکل شو میں آواز کا جادو جگائیں گے۔
امریکا روانگی سے قبل ایئر پورٹ پر انہوں نے نجی نیوز چینل سے گفتگو کرتے ہوئے استاد راحت فتح علی خان نے بتایا کہ تمام افواہیں دم توڑ گئیں ہیں ۔
انہوں نے مزید کہا کہ میں نے دنیا بھر میں پاکستان اور اپنے خاندان کا نام روشن کیا ہے، صوفیانہ کلام کے ذریعے امن کا پیغام پھیلایا۔
راحت فتح علی خان نے یہ بھی کہا ہے کہ میں امریکا کی ایمبیسی کا بھی شکریہ ادا کروں گا، امریکی ایمبیسی نے میرے ساتھ بھرپور تعاون کیا۔
یاد رہے کہ 4 نومبر کو امریکی ایمبیسی نے معروف پاکستانی گلوکار راحت فتح علی خان کی ویزے کی درخواست مسترد کر دی تھی۔
