شوبز انڈسٹری کی معروف اداکارہ نمرہ خان نے نشے سے متعلق افواہوں پر خاموشی توڑ دی اور کہا کہ تہجد گزار ہوں کبھی کسی قسم کا کوئی نشہ نہیں کیا۔
اداکارہ نمرہ خان نے حال ہی میں ایک پوڈ کاسٹ میں شرکت کی جہاں انہوں نے ماضی میں ہونے والے کار حادثے سے متعلق کھل کا اظہار خیال کیا۔
میزبان نے سوال کیا کہ 2014 میں جب آپ کی گاڑی حادثے کا شکار ہوئی تو اس وقت خبر سامنے آئی تھی کہ آپ نشہ کرکے گاڑی چلا رہی تھیں کیا یہ سچ ہے؟
نمرہ خان نے کہا کہ اس خبر میں کوئی سچائی نہیں ہے دراصل! میری نیند پوری نہیں تھی جس کی وجہ سے گاڑی چلاتے ہوئے بیہوش ہوگئی تھی، مجھے نہیں معلوم تھا کہ گاڑی کہاں جارہی ہے اور 180 کی رفتار سے میری گاڑی فوجیوں کی جیپ سے ٹکرائی تھی۔
انہوں نے کہا کہ گاڑی کا اسٹیئرنگ میرے سینے میں گھس گیا تھا جس کی وجہ سے میرا جگر بری طرح متاثر ہوا جبکہ میرے سر کے اندر شیشہ بھی پیوست ہوگیا تھا جس کی وجہ سے دماغ میں بھی چوٹیں آئیں۔
نمرہ خان نے شراب نوشی سے متعلق گردش خبروں پر کہا کہ “جب یہ حادثہ پیش آیا تو میرا شراب نوشی کا ٹیسٹ بھی کیا گیا تھا کیونکہ پولیس کو شک تھا کہ شاید نشے کی وجہ سے حادثہ ہوا”۔
اداکارہ نے کہا کہ “شراب نوشی کا ٹیسٹ منفی آیا تھا، الحمدللہ! میں تہجد گزار ہوں، میں نے کبھی نشہ نہیں کیا، شراب نوشی سے متعلق تمام خبریں بےبنیاد اور جھوٹی ہیں”۔
واضح رہے کہ سال 2014 میں نمرہ خان کی گاڑی کو اسلام آباد کے قریب خطرناک حادثہ پیش آیا تھا جس کے بعد وہ چار دن تک وینٹی لیٹر پر رہیں جبکہ آپریشن کے بعد وہ 19 دن تک کوما میں رہی تھیں۔
