لاہور کے علاقہ سبزہ زار میں گلا کاٹ کر بیوی کو قتل کرنے والے سفاک ملزم کو گرفتار کر لیا گیا۔
لاہور کے علاقے سبزہ زار سفاک شوہر نے بیوی کا گلا کاٹ کر بیدردی سے قتل کر دیا، پولیس نے بروقت کارروائی کرتے ہوئے ملزم کو گرفتار کر لیا، ملزم کی شناخت بلال کے نام سے ہوئی جبکہ مقتولہ کی شناخت راحت بی بی زوجہ بلال کے نام سے ہوئی۔
پولیس کے مطابق ملزم بلال کا اپنی اہلیہ راحت بی بی کے ساتھ اکثر جھگڑا رہتا تھا، آج بھی دونوں میں جھگڑا ہوا تو بلال نے طیش میں آ کر اپنی اہلیہ کا تیز دھار آلے کی مدد سے گلا کاٹ ڈالا جس سے وہ موقع پر ہی دم توڑ گئی، پولیس نے بروقت کارروائی کرتے ہوئے ملزم بلال کو گرفتار کر لیا۔
پولیس کا مزید کہنا ہے کہ مقتولہ راحت بی بی 3 بچوں کی ماں تھی جس کی لاش پوسٹمارٹم کیلئے مردہ خانے منتقل کر دی گئی ہے، جائے وقوعہ سے فرانزک ٹیموں کی مدد سے شواہد اکٹھے کر کے گرفتار ملزم سے مزید تفتیش بھی کی جا رہی ہے۔
