ادرک نہ صرف کھانوں کے ذائقے کو بڑھاتا ہے بلکہ یہ بالوں کی خوبصورتی میں بھی اضافہ کرنے میں مددگار ثابت ہو سکتا ہے۔ اس میں موجود اینٹی آکسیڈینٹ اور سوزش کم کرنے والے اجزاء بالوں کی صحت کے لیے بہترین ہیں اور ان کی نشوونما میں مثبت کردار ادا کر سکتے ہیں۔
ادرک کے تیل کو مختلف طریقوں سے استعمال کیا جا سکتا ہے۔ اگر آپ اپنے بالوں کو لمبا کرنا چاہتے ہیں تو اسے کیسٹر آئل کے ساتھ ملا کر لگائیں، نرم ہاتھوں سے مالش کریں اور 30 منٹ بعد دھو لیں۔
بالوں کو نرم بنانے کے لیے ایک چمچ ادرک کے تیل میں دو چمچ ناریل کا تیل ملائیں، سر پر اچھی طرح مساج کریں اور نیم گرم پانی سے دھو لیں۔
روکھے اور کمزور بالوں کے علاج کے لیے ادرک کے تیل میں زیتون کا تیل شامل کریں اور اسے جڑوں میں اچھی طرح لگائیں، اس سے بالوں کی مضبوطی میں اضافہ ہو سکتا ہے۔
گرتے بالوں کو روکنے اور انہیں گھنا کرنے کے لیے روزمیری آئل کے ساتھ ادرک کا تیل استعمال کریں، یہ بالوں کی افزائش کو بہتر بنانے میں مددگار ثابت ہو سکتا ہے۔
