اسٹیٹ بینک آف پاکستان نے 28 مئی 2025 کو یومِ تکبیر کے موقع پر عام تعطیل کا اعلان کیا ہے۔
بینک دولتِ پاکستان کے مطابق، حکومتِ پاکستان کے فیصلے کے تحت بدھ کے روز ملک بھر میں عام تعطیل ہوگی، جس کے باعث اسٹیٹ بینک بند رہے گا۔
یومِ تکبیر کی مناسبت سے ملک کے مختلف شہروں میں خصوصی تقریبات منعقد کی جائیں گی، جن میں قومی تاریخ اور ایٹمی طاقت کے حصول پر روشنی ڈالی جائے گی۔
وفاقی حکومت نے دسمبر 2024 میں 28 مئی کو عام تعطیلات کی سالانہ فہرست میں شامل کیا تھا، اور گزشتہ سال نوٹیفکیشن کے ذریعے اس دن کو عام تعطیل قرار دیا گیا تھا۔
یاد رہے کہ 28 مئی 1998 کو پاکستان نے چاغی میں ایٹمی دھماکے کر کے مسلم دنیا کی پہلی اور دنیا کی ساتویں ایٹمی طاقت بننے کا اعزاز حاصل کیا تھا، جسے یومِ تکبیر کے نام سے منسوب کیا گیا ہے۔
