عالمی مالیاتی ادارے (آئی ایم ایف) نے امید ظاہر کی ہے کہ پاکستان اور بھارت حالیہ کشیدگی کا پرامن حل تلاش کر لیں گے۔
واشنگٹن میں صحافیوں سے گفتگو کرتے ہوئے آئی ایم ایف کی ڈائریکٹر کمیونیکیشن جولی کوزیک نے کہا کہ پاکستان نے قرض پروگرام کے تمام معاشی اہداف حاصل کیے، جس کے باعث قسط جاری کرنے میں کوئی مشکل نہیں ہوئی۔
انہوں نے وضاحت کی کہ قرض پروگرام صرف زرمبادلہ کے ذخائر کے لیے ہے، بجٹ سپورٹ کے لیے نہیں، اور اس کی شرط ہے کہ حکومت پاکستان اسٹیٹ بینک سے قرض نہیں لے سکتی۔
جولی کوزیک نے مزید کہا کہ پاکستان اور بھارت کی حالیہ جنگ میں انسانی جانوں کے ضیاع پر افسوس ہے، اور امید ہے کہ دونوں ممالک کشیدگی کو کم کرنے کے لیے اقدامات کریں گے۔
