اسلام آباد:وفاقی وزیر داخلہ راناء ثنا اللہ نے کہا ہے کہ صدر عارف علوی کے خلاف مواخذے کی تحریک پیش کی جاسکتی ہے،صدر وزیراعظم کی رائے کا پابند ہے، صدر کا ہر عمل وزیراعظم کی مشاورت سے جڑا ہے۔
نجی ٹی وی سے گفتگو کرتے ہوئے وزیرداخلہ نے کہاکہ صدر کے خلاف مواخذے کا فیصلہ اتحادی حکومت کے پارٹی سربراہ کریں گے۔
انہوں نے کہا کہ الیکشن آئینی تقاضا ہے، صدر وزیراعظم کی رائے کا پابند ہے، صدر کا ہر عمل وزیراعظم کی مشاورت سے جڑا ہے۔
انہوں نے کہاکہ صدر مملکت نے غیرآئینی اقدام کیا اور خود کو عمران خان کا جیالا ثابت کیا، صدرمملکت کو اپنی نہیں توآفس کی عزت کا خیال رکھنا چاہیے تھا۔
رانا ثناء اللہ نے کہاکہ صدر مملکت نے غیرقانونی اورغیرآئینی حرکت کی، اس سے قبل بھی آرمی چیف تقرری پرفائل لیکر لاہور بھاگ گیا تھا۔
لاہور جاکر عمران خان سے مشاورت کی وہ عمل اس آفس کے شایان شان نہیں تھا۔ صدر مملکت کا یہ عمل بھی انتہائی قابل افسوس ہے۔
