شاہ رخ خان کے بنگلے میں گھسنے کی کوشش کرنے والے دو افراد گرفتار

ممبئی میں بالی وڈ سپر اسٹار شاہ رخ کے بنگلے منت میں گھسنے کی کوشش کرنے والے دو افراد کو پولیس نے گرفتار کر لیا۔

بھارتی میڈیا کے مطابق دو افراد نے منت کے بیرونی دیوار کود کر بنگلے میں داخل ہونے کی کوشش کی تھی۔

 پولیس نے دونوں افراد کو گرفتار کرکے بالی وڈ اسٹار کے بنگلے  میں گھسنے کے الزام میں مختلف دفعات کے تحت مقدمہ درج کر لیا۔

ممبئی پولیس کے مطابق  19 اور 20 سالہ گرفتار دونوں ملزمان کا تعلق گجرات سے ہے، ان کا کہنا ہے کہ وہ شاہ رخ خان سے ملنا چاہتے تھے۔

پولیس کہنا ہے کہ ملزمان سے تفتیش کی جا ر ہی ہے، تاحال دونوں کے عزائم کے بارے میں کچھ بھی یقین سے نہیں کہا جا سکتا۔