وفاقی وزیرصحت عبدالقادر پٹیل نے دعویٰ کیا ہے کہ عمران خان کی میڈیکل رپورٹ میں شراب اور کوکین کے اجزا پائے گئے۔
کراچی میں پریس کانفرنس کرتے ہوئے وفاقی وزیر صحت عبدالقادر پٹیل کا کہنا تھا کہ چیئرمین پی ٹی آئی عمران خان کو گرفتاری کے بعد پمز اسپتال لے جایا گیا تھا، حراست کے دوران ان کا میڈیکل ہوا، میڈیکل رپورٹ منظرعام پر پوری طرح نہ آسکی۔
وفاقی وزیر صحت کا کہنا تھا کہ رپورٹ میں واضح ہوا کہ عمران خان کے پاؤں میں کوئی فریکچر نہیں ہوا تھا، لیکن وہ 5،6 ماہ بھاری پلستر چڑھا کر گھومتے رہے، چمڑی پر پلاسٹر چڑھانے والے عمران خان دنیا کے پہلے آدمی ہیں۔
عبدالقادر پٹیل نے بتایا کہ عمران خان کا یورین سیمپل بھی لیا گیا، سیمپل میں شراب اور کوکین کےاجزاء پائے گئے، کوکین، شراب اور فریکچر کا ڈرامہ ایک طرف رکھیں، اس کی حرکات دماغی طورپر درست آدمی کی نہیں ہے، میڈیکل کے دوران 5 سینیئر ڈاکٹرز نے عمران خان کی ذہنی حالت پر سوال اٹھائے۔
