ممبئی: بالی ووڈ کو ایک اور بلاک بسٹر دینے والے میگا سٹار شاہ رخ خان نے فلم جوان کیلئے ایک ارب روپے کا معاوضہ لیا ہے ۔
بھارتی میڈیا کے مطابق ساؤتھ فلم انڈسٹری کے مشہور ڈائریکٹر ایٹلی کمار کی فلم ’جوان‘ میں کام کرنے کے لیے شاہ رخ خان نے ایک ارب بھارتی روپے معاوضہ لیا۔
فلم کی کمائی کی 60 فیصد رقم بھی شاہ رخ خان کو ملے گی۔
بالی وُڈ میں ’کنگ خان‘ کہلانے والے اداکار شاہ رخ خان کی فلم ’جوان‘ جمعرات کو ریلیز ہوئی ہے اور اس نے پہلے ہی دن باکس آفس پر 65 کروڑ بھارتی روپے کما لیے ہیں۔
رپورٹس کے مطابق اداکارہ دیپیکا پڈکون کو فلم میں مختصر خصوصی کردار ادا کرنے پر 15 کروڑ بھارتی روپے دئیے گئے جبکہ اداکارہ پریامانی نے 2کروڑ بھارتی روپے بطور معاوضہ وصول کیے۔
جوان‘ کی کاسٹ میں شاہ رخ خان، نائنتھارا، وجے سیتھوپاتھی، پریامانی، ثانیہ ملہوترا اور سنیل گروور شامل ہیں۔
