ممبئی: بالی وڈ سپر اسٹار شاہ رخ خان اور اداکار زید خان نے دنیا بھر میں پھیلے مسلمان مداحوں کو عید میلاد النبی ﷺ کی مبارکباد پیش کی ہے۔
کنگ خان نے ایکس پر پیغام لکھا کہ بڑے دن پر ہمیں مہربان، رحم دل اور نیک ہونے کو سیلیبریٹ کرنا چاہئے، ساتھ ہی انہوں نے مداحوں کو عید میلاد النبی ﷺ کی مبارکباد بھی پیش کی۔
شاہ رخ خان نے اس موقع پر لکھا کہ آج سب کو ایک دوسرے کو گلے لگ کر عید مبارک کہنا چاہئے، کنگ خان کی پوسٹ لگتے ہی وائرل ہوگئی اور مداح اس پر عقیدت بھرے تبصرے کررے ہیں۔ دوسری طرف اداکار زید خان نے اپنی اہلیہ اور دو بچوں کے ساتھ انسٹاگرام پر تصویر شیئر کی اور مداحوں کو جشن میلاد کی مبارکباد پیش کی۔
انہوں نے پوسٹ میں لکھا کہ اللہ سب کو اپنی پریشانیوں سے لڑنے کیلئے ذہانت اور اپنے تکالیف پر قابو پانے کیلئے طاقت عطا فرمائے۔
