ملک میں سونے کی قیمت میں آج مسلسل دوسرے دن مزید کمی ہو گئی ہے۔
عالمی مارکیٹ میں فی اونس سونے کی قیمت میں 5 ڈالر کی کمی ریکارڈ ہوئی، جس سے نئی قیمت 2312 ڈالر کی سطح پر آ گئی۔
مقامی صرافہ مارکیٹوں میں بدھ کے روز 24 قیراط کے حامل فی تولہ سونے کی قیمت میں 800روپے کی کمی ہوئی اور نئی قیمت 239200روپے ہو گئی۔
اسی طرح فی 10 گرام سونے کی قیمت بھی 686روپے کی کمی سے 205075 روپے کی سطح پر آگئی ہے۔یاد رہے گزشتہ روز سونے کی فی تولہ قیمت میں 500 روپے کی کمی ہوئی تھی۔
دوسری جانب فی تولہ چاندی کی قیمت بغیر کسی تبدیلی کے 2620روپے اور فی 10 گرام چاندی کی قیمت بھی بغیر کسی تبدیلی کے 2254.80روپے کی سطح پر مستحکم رہی۔
