اسپین میں فٹبال اسٹیڈیم کے باہر لوگوں پر تیز رفتار گاڑی چڑھنے سے 13 افراد زخمی ہوگئے جنہیں اسپتال منتقل کردیا گیا۔
خبر رساں اداروں کے مطابق بارسلونا میں حادثہ اس وقت پیش آیا جب مشہور فٹبال کلب بارسلونا اور ایسپانیول کے درمیان میچ شروع ہوا اور اسٹیڈیم کے باہر بڑی تعداد میں لوگ جمع تھے۔
بارسلونا پولیس نے واقعے کو حادثہ قرار دیتے ہوئے کہا ہے کہ حادثے میں کسی کو بھی شدید چوٹیں نہیں آئیں۔
خبر رساں اداروں کے مطابق پولیس کا کہنا ہے کہ حادثہ تیز رفتاری کے باعث پیش آیا ہے، مزید تفتیش کی جارہی ہے۔
