اسرائیل نے خان یونس پر بڑے حملے کی تیاری کر لی اور فلسطینیوں کو علاقہ چھوڑنے کا حکم دے دیا. رات سے جاری حملوں میں 150 سے زیادہ فلسطینی شہید ہو چکے ہیں.
کینیڈا، فرانس اور برطانیہ نے اسرائیل کے خلاف ٹھوس اقدامات اور پابندیاں عائد کرنے کی دھمکی دی ہے. 22 ممالک نے اسرائیل سے غزہ میں امداد کی راہ میں رکاوٹیں ختم کرنے اور فوجی کارروائی بند کرنے کا مطالبہ کیا ہے.
اسرائیلی وزیراعظم نیتن یاہو نے مطالبات مسترد کرتے ہوئے مکمل فتح تک جنگ جاری رکھنے کا اعلان کیا ہے. 2 مارچ سے غزہ کی مکمل ناکہ بندی کے بعد 5 امدادی ٹرکوں کو داخلے کی اجازت دی گئی، جبکہ اقوام متحدہ نے امداد کو سمندر میں قطرہ قرار دیا ہے.
ایمنسٹی انٹرنیشنل نے اسرائیل کے اتحادیوں کو تنقید کا نشانہ بناتے ہوئے کہا کہ 80 دن کی بھوک کے بعد محدود امداد نسل کشی چھپانے کی کوشش ہے
