برطانوی یونیورسٹی آف بکنگھم سے منسلک پروفیسر میتھیو گڈون نے مع ٹیم برطانیہ میں مہاجرین کی سالانہ آمد اور تمام آباد قومیتوں کی شرح پیدائش واموات کے سرکاری اعدادوشمار پر تحقیق کر کے حیرت انگیز پیشن گوئی کر دی۔
ان کی پیش گوئی کے مطابق 2063ء تک سب سے بڑی سابق عالمی سپرپاور میں ایک وقت پاک و ہند کے آقا رہنے والے سفید فام طبقے کی آبادی موجودہ 73 فیصد سے کم ہو کر 49 فیصد رہ جائیگی اور وہ اقلیت کہلائے گا،51 فیصد آبادی غیر سفید فام اقوام کی ہوگی۔
اس تبدیلی کی اہم ترین وجہ یہ کہ سفید فام طبقہ بہت کم بچے پیدا کر رہا،اسی لیے 2100ء میں طبقے کی آبادی محض 33.7 فیصد ہو گی۔
پروفیسر میتھیو کی تحقیق ہے کہ برطانوی مسلمانوں کی آبادی جو فی الوقت 7 فیصد ہے، اگلے پچیس سال میں بڑھ کر 11.2 فیصد اور صدی کے اختتام تک تقریباً 20 فیصد ہوجائیگی۔
