لاہور:پاکستان تحریک انصاف کے چیئرمین عمران خان نے کہا ہے کہ مخالفین مجھے گرفتار کرنا چاہتے ہیں،عوامی دباؤ ہوگا تو ایسا نہیں ہوسکے گا دباؤ اتنا ہونا چاہیے کہ ایک کال پر پورا ملک سڑکوں پر آجائے۔
پاکستان تحریک انصاف کے چیئرمین عمران خان سے لاہور کے عہدے داروں نے ان کی رہائش گاہ زمان پارک میں ملاقات کی۔ملاقات میں عمران خان نے لاہور میں ڈور ٹو ڈور مہم کیلئے پارٹی عہدیداروں کو ٹاسک دے دیا۔
اس موقع پر گفتگو کرتے ہوئے عمران خان نے کہا کہ سیاسی مخالفین مجھے گرفتار کرنا چاہتے ہیں، عوامی دباؤ ہوگا تو ایسا نہیں ہوسکے گا۔
عمران خان نے کہا کہ عوامی دباؤ اتنا ہونا چاہیے کہ ایک کال پر پورا ملک سڑکوں پر آجائے۔چیئرمین تحریک انصاف نے مزید کہا کہ ترک صدر طیب اردوان کیلئے عوام سڑکوں پرنکل آئی توان کے خلاف بھی سازش ناکام ہوئی تھی۔
دوسری جانب عمران خان نے پی ٹی آئی لاہور کے عہدیداروں کی کارکردگی سے مایوسی کا اظہار کیا اور قیادت کی سرزنش کی۔ لبرٹی جلسے میں کارکنوں اورعوام کو متحرک نہ کرنا عمران خان کی ناراضی کا باعث بنا۔
