جامنی رنگ کی انتہائی نایاب شہد

امریکہ کے شہر نارتھ کیرولائنا میں ایسا نایاب شہد پیدا ہوتا ہے جو دنیا میں کہیں نہیں پایا جاتا، اس کی خاص بات یہ ہے کہ وہ جامنی رنگ کا ہوتا ہے۔

تفصیلات کے مطابق عام طور پر شہد کا رنگ براؤن یا اس سے کچھ ہلکا ہوتا ہے، تاہم امریکا میں پیدا ہونے والے اس جامنی شہد کی اب تک کوئی ٹھوس وجہ سامنے نہیں آئی ہے۔

شمالی کیرولینا کا علاقے سینڈز ہل دنیا میں وہ واحد جگہ ہے جہاں کی مکھیاں جامنی رنگ کا شہد پیدا کرتی ہیں۔ یہ جامنی شہد اب مشہور ہوتا جارہا ہے اور دنیا بھر کے صارفین اس میں دلچسپی لے رہے ہیں لیکن یہ انتہائی نایاب شہد ہے۔

مختلف اجزا اور عناصر پر مشتمل یہ شہد چپکنے والے خواص اور مختلف زاویوں سے دیکھنے میں تبدیل ہوتے ہوئے رنگ کا حامل ہے اور اس کا ذائقہ بھی ویسا شیریں نہیں جس طرح لوگ عام طور پر شہد کو پسند کرتے ہیں۔

انتہائی مہنگے لیکن تلخ "کوربزولو” شہد سے لے کر میٹ ہنی جو کہ وولچر بیز (وولچر شہد کی مکھی) پیدا کرتی ہیں۔ اس کے علاوہ عجیب و غریب اقسام کے متعدد اقسام کے شہد پر سالوں تک تجزیہ کرنے والے ماہرین نے غیر عمومی شہد بھی دیکھے۔

تاہم ان میں سے کوئی شہد شمالی کیرولینا میں پیدا ہونے والے جامنی شہد کی طرح کا دیکھنے میں سامنے نہیں آیا لیکن یہ انتہائی نایاب شہد بالکل اصلی اور خالص ہے، جامنی شہد امبر قسم کے شہد سے زیادہ میٹھا ہے تاہم ذائقے میں کچھ ہلکا ہوتا ہے۔