لاہور:پاکستان تحریک انصاف کے چیئرمین و سابق وزیر اعظم عمران خان نے کہا ہے کہ عدالت نظریہ ضرورت کو خیر باد کہتے ہوئے آئین کے ساتھ کھڑی ہے،ہمیں عدلیہ کے حمایت وتحفظ کی خاطر پرامن احتجاج کے لئے سڑکوں پر نکلنے کے لئے تیار رہنا ہوگا۔
انہوں نے سماجی روابط کی ویب سائٹ ٹوئٹر پر جاری اپنے بیان اورالجزیرہ کو انٹرویو دیتے ہوئے کہا کہ عدالت عظمیٰ آئین کے ساتھ کھڑی اور نظریہ ضرورت جسے قانون کی حکمرانی کو پس پشت ڈال کر بروئے کار لایاجاتاہے،کو خیربادکہہ چکی ہے۔حقیقی آزادی کی جانب بلاشبہ یہ ایک بڑا قدم ہے۔
انہوں نے کہا کہ عدالت عظمی ٰکے حکم کے باوجودرولنگ مافیاانتخاب نہیں کروائے گا کیونکہ یہ گروہ شکست سے بیحدخوفزدہ ہے۔ہمیں دستور کو بالادست رکھنے والی اپنی عدلیہ کے حمایت وتحفظ کی خاطر پرامن احتجاج کیلئے سڑکوں پر نکلنے کے لئے تیار رہنا ہوگا۔
عمران خان نے کہاکہ پی ٹی آئی انتخابات میں کلین سویپ کرنے جارہی ہے حکومت الیکشن سے ڈرکر بھاگ رہی ہے دھمکیاں غیر آئینی ہیں‘ مارشل لاء کے دن چلے گئے میں نے کبھی نہیں کہاکہ دوتہائی اکثریت نہ ملی تو انتخابی نتائج قبول نہیں کریں گے۔
