اسلام آباد: ڈرگ ریگولیٹری اتھارٹی (ڈریپ) نے کارڈیک اسٹنٹس کی نئی قیمتیں مقرر کر دیں۔
تفصیلات کے مطابق ڈریپ نے پاکستان میں 4 غیر ملکی کارڈیک اسٹنٹس کی نئی قیمتوں کا نوٹیفکیشن جاری کر دیا، یہ اسٹنٹس امریکی، جاپانی، اٹلی اور ترک ساختہ ہیں۔
ڈریپ کا کہنا ہے کہ ان 4 غیر ملکی ساختہ کارڈیک اسٹنٹس کی زیادہ سے زیادہ قیمت مقرر کی گئی ہے، ای سی سی نے گزشتہ روز وزارت صحت کی سفارش پر ان اسٹنٹس کی ایم آر پی مقرر کی تھی۔
جاری نوٹیفکیشن کے مطابق امریکی کارڈیک اسٹنٹ پرومس پریمیئر کی قیمت 58 ہزار 765 روپے مقرر کی گئی ہے، جب کہ امریکی کارڈیک اسٹنٹ ڈیسائنی ایکس ٹو کی قیمت 72 ہزار 450 روپے مقرر کی گئی ہے۔
جاپانی کارڈیک اسٹنٹ الٹی ماسٹر کی قیمت 65 ہزار 507 روپے، اور اٹلی اور ترکش کارڈیک اسٹنٹ کری8 کی قیمت 53 ہزار 130 روپے مقرر کی گئی ہے۔
