کیا گرمیوں میں زیادہ نہانا خطرے کا باعث بھی بن سکتا ہے ؟

سخت گرمیوں کے دوران روزانہ نہانا گرمی سے نجات، جسم کو تازہ دم رکھنے اور دوسروں کو بھی بدبو سونگھنے سے بچانے میں مدد کرتا ہے، تاہم ماہرین نے اس کے ایک نقصان کی طرف اشارہ کیا ہے؟

ماہرین کا کہنا ہے کہ گرمیوں میں زیادہ نہانا خطرے کا باعث بھی بن سکتا ہے۔

ماہرین کا کہنا ہے کہ ایک انسان کی صحت مند جلد پر تیل اور اچھے بیکٹریا کی تہہ ہوتی ہے جو صابن کے بے جا استعمال سے آہستہ آہستہ ختم ہوتی جاتی ہے۔

یہی وجہ ہے کہ طبی ماہرین جلد پر اچھے بیکٹیریا کو برقرار رکھنے کے لیے گرمیوں میں ہفتے میں ایک بار نہانے کا مشورہ دیتے ہیں۔

ماہرین کے مطابق نہانے سے انسانی جلد خشک اور مسدود ہو جاتی ہے جس سے بیکٹیریا جلد میں آسانی سے داخل ہو کر جلد میں انفیکشن کا باعث بنتے ہیں۔

یہ عمل جسم کے سوراخوں کو بھی کھولتا ہے، جس سے آپ کو متعدد وائرسز کا سامنا کرنا پڑتا ہے، اس کے نتیجے میں، ماہرین غسل کے بعد جلد کو نمی بخشنے کا مشورہ دیتے ہیں۔

جسم کو اینٹی باڈیز اور قوت مدافعت پیدا کرنے کے لیے اچھے بیکٹیریا کی ضرورت ہوتی ہے، یہی وجہ ہے کہ ڈاکٹر بچوں کو روزانہ نہانے کا مشورہ نہیں دیتے۔

ماہرین کا مشورہ ہے کہ حساس جلد والے افراد 5 منٹ سے زیادہ نہ نہائیں اور ایک منٹ سے زیادہ شاور میں نہ رہیں کیونکہ بہت زیادہ پانی کا استعمال جلد اور بالوں دونوں کے لیے نقصان دہ ہے۔