پشاور: محکمہ انسداد دہشتگردی (سی ٹی ڈی) نے بنوں اور چارسدہ میں کامیاب کارروائیاں کرتے ہوئے 3 دہشتگردوں کو ہلاک کر دیا۔
سینٹرل پولیس آفس پشاور کے مطابق، سی ٹی ڈی کی جانب سے کیے گئے آپریشنز میں 3 دہشتگرد مارے گئے۔
پولیس حکام کے مطابق، بنوں میں ہونے والے آپریشن میں 2 دہشتگرد ہلاک ہوئے، جو پولیس کانسٹیبل ارمان خان پر حملے میں ملوث تھے۔
چارسدہ میں ہونے والی کارروائی میں مطلوب دہشتگرد جاوید خان ہلاک ہوا، جس کے قبضے سے خطرناک اسلحہ برآمد ہوا، جس میں دستی بم، پستول، پرائما کارڈ اور سیفٹی فیوز شامل ہیں۔
