کراچی: آل پاکستان جیمز اینڈ جیولرز ایسوسی ایشن کے مطابق ملک میں سونے کی فی تولہ قیمت میں 1900 روپے کی کمی ریکارڈ کی گئی ہے، جس کے بعد قیمت 3 لاکھ 47 ہزار 500 روپے ہو گئی ہے۔
اسی طرح 10 گرام سونے کی قیمت میں 1629 روپے کی کمی ہوئی، جس کے بعد نئی قیمت 2 لاکھ 97 ہزار 925 روپے ہو گئی ہے۔
عالمی مارکیٹ میں بھی سونے کی قیمت میں کمی دیکھی گئی، جہاں فی اونس سونا 19 ڈالر کم ہو کر 3291 ڈالر پر آ گیا ہے۔
ماہرین کے مطابق عالمی سطح پر سونے کی قیمت میں اتار چڑھاؤ سرمایہ کاروں کے رجحان پر اثر انداز ہو سکتا ہے۔
