لاہور: قومی ٹیم کے مڈل آرڈر بلے باز فواد عالم نے کرکٹ میدانوں میں اپنا نام منوانے کے بعد اداکاری کے میدان میں بھی قدم رکھ دیا ہے۔
35 سالہ فواد عالم پاکستان کے پہلے او ٹی ٹی پلیٹ فارم اردو فلکس کی ویب سیریز کے ذریعے اداکاری کے میدان میں قدم رکھنے کے لیے تیار ہیں۔
فواد عالم اردو فلکس کی ویب سیریز ’خودکش محبت‘ میں اداکاری کے جوہر دکھائیں گے۔
حال ہی میں اردو فلیکس کے آفیشل انسٹاگرام اکاؤنٹ پر ٹیسٹ کرکٹر فواد عالم کی پہلی ویب سیریز ’خودکش محبت‘ کا پوسٹر جاری کیا گیا ہے۔
سوشل میڈیا صارفین کی جانب سے اپنے پسندیدہ کرکٹر کو کھیل کے میدان کے بجائے سکرین پر دیکھنے کا بے صبری سے انتظار کیا جا رہا ہے۔
خیال رہے کہ گزشتہ دنوں ای میکس میڈیا کی جانب سے پاکستان کا پہلا او ٹی ٹی پلیٹ فارم اردو فلکس لانچ کیا گیا تھا۔
