لاہور: مسلم لیگ ن کے سینئر رہنما اور وفاقی وزیر جاوید لطیف نے کہا ہے کہ نواز شریف نے ریاست کیلئے بہت قربانیاں دیں، اب نوازشریف قربانی نہیں دے گا۔
ان کی قربانیوں کو ضائع کیا گیا، لیگی قائد کو بدنام کرنے والوں کو عبرت کا نشان بنایا جائے، نواز شریف سے معافی مانگ کر انہیں واپس لانا ہوگا۔
ماڈل ٹاؤن لاہور میں پریس کانفرنس کرتے ہوئے جاوید لطیف نے کہا کہ کیا نوازشریف بار بار ملک کیلئے قربانیاں دیں گے؟، 2017 میں کس کی خواہش پر نواز شریف کو ہٹایا گیا، مجرموں کے اقبال جرم کے بعد بات ہضم ہوگئی۔
2017 میں کہتے ہیں کمیشن بنایا جائے، آج بات ٹرتھ کمیشن سے آگے نکل گئی،2022 تک کھلے عام سرپرستی کی جاتی رہی، کیا سازش خط کا اس وقت کے اسٹیبلشمنٹ کے چیف کو نہیں پتہ تھا کہ یہ جھوٹا ہے، صادق اور امین کا سرٹیفکیٹ دینے والے ثاقب نثار کو نہیں پتہ تھا یہ پلے بوائے ہے۔
انہوں نے کہاکہ20ضمنی نشستوں پر بھی سہولت کاری ہو رہی تھی۔ ہم نے قومی مفاد میں خاموشی اختیار کی تھی مگر وہ قومی مفاد میں ثابت نہیں ہوئی تو اب ہم نے سارے کا سارے سبق قوم کو سنانا ہے۔
جنرل (ر)باجوہ، جنرل (ر) فیض حمید، جسٹس (ر) ثاقب نثار،جسٹس (ر) سعید کھوسہ اور عمران خان اتحادی ہیں،یہ بینفشری ہیں،پاکستان کے خلاف منصوبہ بندی کرنے والے یہی لوگ ہیں۔ ان کو پانچ افراد نے معاشی وسیاسی ہرلحاظ سے ریاست کو نقصان پہنچایا۔
