سونے کی قیمت میں ہزاروں روپے کی تاریخی کمی

امریکی ڈالر کی قدر میں ریکارڈ کمی کے بعد ملک بھر میں فی تولہ سونے کی قیمت میں ہزاروں روپے کی تاریخی کمی ریکارڈ کی گئی۔

تفصیلات کے مطابق بین الاقوامی مارکیٹ میں فی اونس سونے کی قدر 7 امریکی ڈالر اضافہ کے بعد 1967 امریکی ڈالر ہو گئی ہے۔

عالمی مارکیٹ میں قیمتیں بڑھنے کے برعکس ملکی صرافہ مارکیٹوں لاہور، کراچی، اسلام آباد، پشاور، کوئٹہ، حیدر آباد، سکھر، گوجرانوالا، فیصل آباد، راولپنڈی، ملتان سمیت دیگر جگہوں پرفی تولہ سونے کی قیمت میں 5400 ر وپے کی بڑی کمی دیکھی گئی اور نئی قدر 229000 روپے ہو گئی ہے۔

اُدھر دس گرام سونے کی قیمت میں 4629 روپے کی تنزلی دیکھی گئی اور نئی قیمت 196331 روپے ہو گئی ہے۔

مزید فی تولہ اور دس گرام چاندی کی قیمتوں میں 50 روپے اور 42.86 روپے کی تنزلی دیکھی گئیں اور قدریں بالترتیب 2750 روپے اور 2357.68 روپے ہو گئی ہے۔