پاکستانی صرافہ بازار ایک بار پھر ہل کر رہ گیا ہے، کیونکہ کاروباری ہفتے کے دوسرے روز بھی سونے کی قیمت میں تیزی سے اضافہ دیکھا گیا۔ فی تولہ سونا ایک ہزار روپے مزید مہنگا ہو کر 3 لاکھ 54 ہزار 100 روپے کی بلند ترین سطح پر پہنچ گیا ہے۔
آل پاکستان جیمز اینڈ جیولرز ایسوسی ایشن کے مطابق 10 گرام سونا بھی 857 روپے مہنگا ہو کر اب 3 لاکھ 3 ہزار 583 روپے میں دستیاب ہے۔ یہ بات قابل ذکر ہے کہ گزشتہ روز سونا 5900 روپے مہنگا ہوا تھا، یوں صرف دو دنوں میں مجموعی اضافہ 6900 روپے ہو چکا ہے۔
تجزیہ کاروں کا کہنا ہے کہ یہ اضافہ بین الاقوامی مارکیٹ میں قیمتی دھات کی بڑھتی قیمتوں کا نتیجہ ہے، جس کا اثر براہِ راست پاکستان میں بھی محسوس ہو رہا ہے۔
