بحرین میں اے وی سی ایشین والی بال نیشنز کپ میں پاکستان نے فلپائن کو 3-1 سے شکست دے کر ٹورنامنٹ میں کامیاب آغاز کیا ہے
پاکستان کی جانب سے مراد خان، آفاق خان اور مصور نے شاندار کارکردگی کا مظاہرہ کیا ہے۔
بحرین کے شہر مناما میں ایشین والی بال نیشنز کپ کے پہلے روز پاکستان نے فلپائن کے خلاف زبردست کھیل پیش کیا۔
پاکستان نے ابتدائی دو سیٹس جیت کر میچ میں گرفت مضبوط کی تاہم تیسرے سیٹ میں فلپائن نے کم بیک کیا اور 2-1 سے برتری حاصل کی، چوتھے سیٹ میں دونوں ٹیموں کے درمیان سنسنی خیز مقابلہ ہوا اور فلپائنز نے بھرپور فائٹ کی لیکن پاکستان اس کے لیے ایک مضبوط حریف ثابت ہوا۔
پاکستان نے چوتھا سیٹ جیت کر 1 گھنٹہ 6 منٹ جاری رہنے والا میچ 25-18، 25-12، 18-25 اور 25-22 سے اپنے نام کیا۔
میچ میں پاکستان نے اٹیک سے 48 پوائنٹس بٹورے جبکہ بلاک سے 14 پوائنٹس حاصل کیے، حریف کی غلطیوں کو 28 پوائنٹس میں تبدیل کیا، پاکستان ایونٹ میں اپنا اگلا میچ جمعرات کو چائینز تائپے کے خلاف کھیلے گا۔
