حکومت نے احساس راشن پروگرام میں رجسٹریشن کے عمل کو آسان بناتے ہوئے اندراج کیلئے SMS سروس کا آغاز کر دیا،اب کم آمدنی والے گھرانے کا کوئی بھی فرد رجسٹریشن کیلئے شناختی کارڈ نمبر 8171 پرایس ایم ایس کرکے پروگرام میں اندراج کرسکتا ہے،احساس راشن رعایت کیلئے ہر گھرانے کا ایک ہی فرد اہل ہوگا۔ شناختی کارڈ نمبر ایسی موبائل سم سے بھیجا جائے جو اس کے نام پر رجسٹرڈ ہے۔
وزیراعظم کی معاون خصوصی سینیٹر ثانیہ نشتر نے کہا ہے کہ احساس راشن رعایت کیلئے ہر گھرانے کا ایک ہی فرد اہل ہوگا، گھرانے کا کوئی بھی فرد رجسٹریشن کیلئے شناختی کارڈ نمبر 8171 ایس ایم ایس کر سکتا ہے۔ انہوں نے بتایا کہ شناختی کارڈ نمبر ایسی موبائل سم سے بھیجا جائے جو اس کے نام پر رجسٹرڈ ہے۔
ثانیہ نشتر کے مطابق احساس راشن رعایت پروگرام سے 2 کروڑ خاندان مستفید ہوں گے، کریانہ مالکان راشن پروگرام کیلئے صرف احساس راشن ویب پورٹل پرہی رجسٹر ہوں گے۔
